Иш-чара Чоң-Алай райондук сотунун имаратында уюштурулуп, аталган соттун төрагасы Айбек Бекбулатов жана судья Кымбат Азизова, райондун прокурору Азамат Сыдыков, мектеп окуучулары жана мугалимдери катышты.

Жолугушууда “Алайчы уулу Саит” атындагы инновациялык орто мектебинин окуучуларына коомдогу кылмыштуулуктун таасири жана мыйзам бузуу аракеттеринин кесепеттери тууралуу маалымат берүүгө багытталган маанилүү иш-чара өткөрүлдү.             Иш-чаранын максаты – окуучуларды кылмыштуулуктун алдын алууга, өспүрүмдөр арасында мыйзам бузууларды азайтуу жана алардын коопсуздугун камсыз кылуу ошондой эле туура адептик баалуулуктарды жана мыйзамдарга болгон урматты жандандырууга багытталды.

Жолугушууда, Чоң-Алай райондук сотунун төрагасы Айбек Бекбулатов, өз сөзүндө жаштар арасында тартипти сактоо, мыйзамды урматтоо жана кылмыштуулуктун алдын алуу боюнча түшүндүрмөлөрдү берди, мындан сырткары коомдогу кылмыштуулукту алдын алуу үчүн ата-энелердин, мугалимдердин жана коомдук уюмдардын бирдиктүү аракеттери да зарыл экендигин белгиледи. Ошондой эле жаштарга мыйзамды сыйлоону жана өз жоопкерчилигин сезүүнүн зарылдыгын айтты.

Чоң-Алай районунун прокурору Азамат Сыдыков мектеп окуучуларына, балдардын укуктары жана балдарга карата жасалган укук бузууларды алдын алуу, балдарга зордук зомбулуктан коргонуу жолдору тууралуу, жаш балдарга колдонулуучу кылмыш жоопкерчилиги жана анын кесепеттери тууралуу айтып берди.

Ошондой эле мектеп окуучуларынын катышуусунда  жасалган кылмыштардын түрлөрү жөнүндө кеңири маалымат берилип,  жолугушуу балдардын суроо жооптору менен аяктады.