Кара-Суу райондук соту үчүн курулуп жаткан жаңы административдик имараттын курулушунун экинчи этабы түрдө башталды.

Жаңы имарат сот адилеттигин жүзөгө ашыруу үчүн заманбап талаптарга жооп берген шарттарды түзүүгө, жарандар үчүн көрсөтүлүүчү кызматтардын жеткиликтүүлүгүн жана сапатын жогорулатууга, ошондой эле судьялар менен сот аппаратынын кызматкерлеринин иштөө шарттарын жакшыртууга багытталган.

Курулуш иштеринин экинчи этабында имараттын негизги конструкцияларын тургузуу, ички жана тышкы курулуш иштерин жүргүзүү, ошондой эле инженердик-коммуникациялык тармактарды орнотуу боюнча иштер аткарылары күтүлүүдө.

Жаңы сот имараты пайдаланууга берилгенден кийин жарандарды кабыл алуу, сот отурумдарын өткөрүү жана соттун күнүмдүк ишмердүүлүгүн уюштуруу үчүн бардык зарыл шарттар камсыздалып, сот тутумунун ачыктыгын, жеткиликтүүлүгүн жана натыйжалуулугун жогорулатууга өбөлгө түзөт.

Курулуш иштеринин белгиленген графикке ылайык сапаттуу жана өз мөөнөтүндө бүткөрүлүшү көзөмөлгө алынууда.