Бүгүн 2025-жылдын 7-мартында Ош облустук сотунда сот кызматкерлеринин  кесиптик  майрамына карата иш-чара өттү.

Иш чараны облустук сотунун төрагасы Мирлан Боромбаев ачып, кесиптештерин 5-март кесиптик майрамы, аял судьяларды жана аппараттагы айымдарды алдыдагы келе жаткан аялдардын эл аралык майрамы менен куттуктады.  Жооптуу кызматтарына ак ниет жана так мамиле жасоо менен өлкөбүздө акыйкаттуулукту орнотууга жана сот тутумунун өнүгүшүнө салым кошууга чакырып, үй-бүлөлөрүнө аманчылык, иштерине ийгиликтерди каалады.

Андан соң сот тутумунда жигердүү эмгектенген, кесипкөйлүгү менен өзгөчөлөнгөн кызматтык милдеттерин үлгүлүү аткарган кызматкерлерге Кыргыз Республикасынын Жогорку сотунун төрагасынын жана Ош облустук сотунун ведомстволук сыйлыктары тапшырылды.

Ошондой эле сот кызматкерлеринин кесиптик майрамына арналган иш-чарага адвокаттар келип катышып, каалоо тилектерин айтышып,  апараттагы  бир катар кызматкерлерге өздөрүнүн сыйлыктарын тапшырышты.