Ош облусунун Административдик сотунда  Ош  мамлекеттик  университетинин финансы-юридика факультетинин 3 курсунун студенттери үчүн ачык эшик күнү өткөрүлдү

Иш чара келечектеги юристтерди Сот тутумунун иши жана анын өлкөдөгү сот адилеттигин ишке ашыруудагы  мааниси тууралуу тааныштыруу максатында уюштурулду.

Студенттерге имарат боюнча экскурсия өткөрүлүп, алардын иши менен таанышуу студенттерге мыйзамдуулукту камсыз кылууда соттун татаалдыгын кыйла терең түшүнүүгө мүмкүндүк берди.

Ош облусунун административдик сотунун төрагасы Дамир Суйналиев жана соттун судьялары кесиптик тажрыйбасы менен ой бөлүшүп, болочок юристтердин суроолоруна жооп беришти.