Чоң-Алай райондук сотунда судьялардын жана аппарат кызматкерлеринин катышуусунда коррупциялык иш-аракеттердин алдын алуу жана мыйзамдуулукту бекемдөө боюнча жыйын өткөрүлдү.

Жыйындын жүрүшүндө коррупцияга каршы мыйзамдардын талаптарын так сактоо, кызматтык этиканы бекем кармануу жана кызматтык милдеттерди жоопкерчиликтүү аткаруу маселелери талкууланды.

Чоң-Алай райондук сотунун төрагасы Айбек Бекбулатов соттун кызматкерлерине жарандар менен иштөөдө сылык мамиле кылуу, ачык-айкындуулукту камсыздоо жана коррупциялык тобокелдиктерге жол бербөө боюнча түшүндүрмөлөрдү берди.

Белгилей кетсек, сотто коррупцияга каршы аракеттенүү жана мыйзамдуулукту сактоо боюнча профилактикалык иш-чаралар туруктуу негизде жүргүзүлүп келет.