Окутуу бүгүн, 2025-жылдын 23-январында Ош облустук сотунда  Кыргыз Республикасынын Конституциялык сотунун төрагасы  Эмиль Осконбаевдин, судьялары Чинара Айдарбекованын,  Меергуль Бобукееванын,  Ош облустук сотунун төрагасы Эрлан Асановдун,  Жалал-Абад облустук сотунун төрагасы Жыпар Сабырованын жана жергиликтүү соттордун судьяларынын катышуусунда өттү.

Конституциялык соттун судьялары төмөндөгү багыттар боюнча баяндама жасашып кеңири маалымат беришти:

1) Коомдун туруктуу өнүгүүсү үчүн конституционализмдин мааниси, мамлекеттик бийлик системасындагы Конституциялык соттун орду жана ролу;

2) Кыргыз Республикасынын Конституциялык сотунда судьялардын кайрылууларын кароонун өзгөчөлүктөрү, айрым чечимдердин мисалында Конституциялык соттун актыларынын юридикалык күчү;

3) Конституциялык сот тарабынан укук принциптерин жана укуктук доктриналарды анын айрым чечимдеринин мисалында колдонуусу;

Семинардын жүрүшү судьялар ортосунда суроо-жооптор жана талкуулар менен коштолуп, соңунда катышуучуларга конституционализм мектебинин  сертификаттарды тапшырылды.