Бүгүн 2024-жылдын 21-августунда бокс боюнча дүйнө чемпиону Мунарбек Сейитбек уулун жана машыктыруучусу Беганас Султанбаевди Ош шаардык сотунун төрагасы Бакыт Усубалиев кабыл алды. Шаардык соттун төрагасы Мунарбек Сейитбек уулун эл аралык мелдеште ийгилик жаратып, дүйнө жүзүнө желегибизди желбиреткен жеңиши менен сот тутумунун атынан куттуктап, анын жениши жалпы кыргыз элинин сыймыгы экенин, өсүп келе жаткан келечек муундарга үлгү болуп жаткандыгын жана бокс олимпиадасында женишке жетишсе болот деген ишеним артылганын белгиледи.

Судьялар Парижде өткөн Олимпиада оюндарындагы беттеште ар бир раунд учурунда экран артында сыймыктануу менен колдоп турушканын билдиришти.

Ошону менен бирге бул тарыхый жениш бокс сүйүүчүлөрүнө стимул болгонун белгилешип, алдыда дагы да  чон жетишкендиктерди багындырууга тилектештигин билдиришти.

Мушкер Мунарбек Сейитбек уулу 2024-жылдын июль,август айларында  Францияда өткөн Олимп оюндарында турнирде 57 кг салмакта күрөшүп,  күмүш байгеге ээ болгон.