Кара-Суу райондук сотунда кызматкерлердин кесиптик жана адеп-ахлактык баалуулуктарын бекемдөө, улуттук нарк-насилди даңазалоо жана мамлекеттик кызматчынын коом алдындагы жоопкерчилигин жогорулатуу максатында «Уңгу жол» багыты боюнча иш-чара өткөрүлдү.

Иш-чарага райондук соттун судьялары жана аппарат кызматкерлери катышып, анын жүрүшүндө улуттук баалуулуктарды сактоо, мамлекеттик кызматкердин жүрүм-турум маданияты, кызматтык этиканы бекем сактоо, мыйзамдуулукту жана адилеттүүлүктү камсыздоодогу жоопкерчилик маселелери талкууланды.

Иш-чаранын жүрүшундө Кара-Суу шаарындагы №112 Манас атындагы жалпы билим берүүчү мектептин тарых мугалими Жовар Молдожанова жана кыргыз тили жана адабияты мугалими Уулкан Ысмайыл кызы тарабынан  кыргыз элинин тарыхый мурасы, улуттук баалуулуктары, каада-салттары, мамлекеттик тилдин орду, ошондой эле жаш муундарды жана мамлекеттик кызматкерлерди мекенчилдикке, адептүүлүккө жана коом алдындагы жоопкерчиликке тарбиялоонун мааниси тууралуу баяндама жасалды.